ఊరంతా అనుకుంటున్నారు సినిమా మంచి హిట్ అవ్వాలని కోరుకుంటున్నాను.. సుప్రీం హీరో సాయి ధరమ్ తేజ్
I wish Oorantha Anukuntunnaru movie will be a good hit: Sai Dharam Tej (Photo:SocialNews.XYZ)
సుప్రీం హీరో సాయి ధరమ్ తేజ్ మాట్లాడుతూ.. టీజర్ చాలా బాగుంది. టీమ్ అంతా కలిసి ఒక మంచి సినిమా తీశారు. ప్రేక్షకులు ఈ చిత్రాన్ని ఆదరించాలి. లాస్ట్ టు ఇయర్స్ గా డిఫ్రెషన్లో వున్నప్పుడు నవీన్ సపోర్ట్ చేసి ధైర్యం చెప్పాడు. ఒక బ్రధర్ లా గైడ్ చేసి నన్ను ఎంకరేజ్ చేసాడు. అలాంటి నవీన్ ఎప్పుడు పిలిచినా నేను వస్తాను. టీమ్ అందరికి ఆల్ ది బెస్ట్. ఈ సినిమా పెద్ద హిట్ అవ్వాలని కోరుకుంటున్నాను.. అన్నారు.
ప్రముఖ దర్శకుడు ఇంద్రగంటి మోహనకృష్ణ మాట్లాడుతూ.. నవీన్ నాకు గత పదేళ్లుగా తెల్సు. వెరీ బ్రిలియంట్ ఎడిటర్ తను. ఈ పోస్టర్ చూడగానే నాకు అష్టాచెమ్మా గుర్తుకువచ్చింది. గ్రామీణ నేపథ్యంలో ఆ పల్లె వాసన, బంధాలు బంధుత్వాలు నేపథ్యంలో వచ్చిన సినిమాలు అన్నీ బాగా ఆడాయి. ఈ సినిమా కూడా బాగుంటుందని టీజర్ చూడగానే అర్ధం అయింది. ఇలాంటి మంచి సినిమా తీసిన టీమ్ అందరికీ అభినందనలు. ఈ సినిమా హిట్ అయి నవీన్, శ్రీనివాస్ అవసరాలకు మంచి పేరు రావాలి. నిర్మాతలు పెద్ద విజయాన్ని అందుకోవాలి అన్నారు.
హీరో నవీన్ విజయకృష్ణ మాట్లాడుతూ.. సంవత్సరం కాలంగా ఈ సినిమా చేస్తున్నాం. అందరం కలిసి ఫ్యామిలీ లా కలిసి వర్క్ చేసాం. అవుట్ ఫుట్ బాగా వచ్చింది. ఇదొక ఫ్యామిలీ ఎంటర్టైనర్ మూవీ. అందర్నీ అలరిస్తుంది. కథ విన్నప్పుడే చాలా బాగా నచ్చింది. బాలాజీ బాగా తెరకెక్కించాడు. నిర్మాతలు మంచి క్వాలిటీతో ఈ సినిమా రూపొందించారు.. అన్నారు.
దర్శకుడు బాలాజీ సనాల మాట్లాడుతూ.. ఫస్ట్ ఈ లైన్ రమ్య గారు చెప్పారు. అప్పటినుండి ఈ కథపై వర్క్ చేస్తూ వచ్చాం. సినిమా అవుట్ ఫుట్ చూసి కాన్ఫిడెంట్ గా వున్నాం. నవీన్, అవసరాల శ్రీనివాస్ ఇద్దరూ బాగా కోపరేట్ చేసారు. నటీ నటులులందరూ తమ పాత్రలకి ప్రాణం పోశారు. బాబు కెమెరా వర్క్, రాధాకృష్ణ మ్యూజిక్ సినిమాకి ప్లస్ పాయింట్స్ గా నిలిచాయి.. అన్నారు.
నిర్మాత శ్రీహరి మంగళంపల్లి మాట్లాడుతూ.. ఒక మంచి సినిమాని నిర్మించే అవకాశం ఇచ్చిన ఇండస్ట్రీకి నా ధన్యవాడాలు. కోనసీమ నేపథ్యంలో ఈ సినిమా చేశాం. పోస్టర్స్, టీజర్ కి మంచి బజ్ వచ్చింది. ఈ చిత్రాన్ని ఆదరించాలని కోరుకుంటున్నాను. అన్నారు.
మరో నిర్మాత పద్మనాభ రెడ్డి మాట్లాడుతూ.. పల్లెటూరి వాతావరణంలో ఈ చిత్రాన్ని రూపొందించాం. అక్కడి విలువలు,, బంధాలు, ఎలావుంటాయి, వెటకారం, మమకారం ఏ విధంగా ఉంటుంది అనేది ఈ చిత్రంలో చూపిస్తున్నాం. విజువల్ ట్రీట్ అని చెప్పవచ్చు... అన్నారు.
నిర్మాత పి. ఎల్. ఎన్. రెడ్డి మాట్లాడుతూ.. డైరెక్టర్ బాలాజీ మంచి సినిమా తీశాడు. గొప్ప డైరెక్టర్ అవుతాడు. ఈ సినిమాని ఆదరించాలని కోరుకుంటున్నాను.. అన్నారు.
ఈ సినిమా అందరికీ నచ్చుతుందని తమ ఆశాభావాన్ని వ్యక్తం చేశారు హీరోయిన్స్.
జయసుధ, కోటశ్రీనివాసరావు, రావు రమేష్, అన్నపూర్ణ, రాజా రవీంద్ర, అశోక్ కుమార్, ప్రభావతి, జబర్దస్త్ రాము, బాబీ, గౌతమ్ రాజు, అప్పాజీ, క్రాంతి తదితరులు నటిస్తున్న ఈ చిత్రానికి సంగీతం కె.ఎమ్. రాధా కృష్ణ, పాటలు వనమాలి, పెద్దాడ మూర్తి, శ్రీహరి మంగళంపల్లి, కెమెరా జి.ఎల్.యెన్ బాబు, ఎడిటింగ్ మధు, కొరియోగ్రఫీ భాను, మేకప్ ప్రేమ్ రాజ్, కథ శ్రీమంగళం, రమ్య, ఆర్ట్ కృష్ణ మాయ, ఫైట్స్ రామ్ సుంకర, నిర్మాతలు శ్రీహరి మంగళంపల్లి, రమ్య గోగుల, ఫై.ఎల్, యెన్ రెడ్డి, ఎ. పద్మనాభ రెడ్డి, రచన దర్శకత్వం బాలాజీ సనాల
