Roshan Kanakala’s Mowgli on the path to profit

లాభాల బాటలో రోషన్ కనకాల మోగ్లీ

రోషన్ కనకాల హీరోగా నటించిన లవ్ అండ్ యాక్షన్ ఎంటర్టైనర్ ‘మోగ్లీ’ విడుదలైన తొలి వారం లోపలే బ్రేక్‌ఈవెన్‌ను దాటి లాభాల బాటలోకి వచ్చింది.

సెన్సిబుల్ బడ్జెట్‌తో రూపొందిన ఈ చిత్రం, రెండో వారంలోకి అడుగుపెట్టే సమయానికి లాభాలను ఆర్జిస్తోంది.

థియేట్రికల్, నాన్-థియేట్రికల్ వసూళ్లన్నీ కలుపుకొని దాదాపు పది కోట్ల రూపాయలు సాధించిన ‘మోగ్లీ’ నిర్మాతలకు మంచి ప్రాఫిట్‌ను తెచ్చిపెట్టింది.

కంటెంట్‌కి ప్రాధాన్యత ఇచ్చిన చిన్న బడ్జెట్ సినిమాలు కూడా విమర్శకుల ప్రశంసలతో పాటు కమర్షియల్ విజయం సాధించగలవని ‘మోగ్లీ’ మరోసారి నిరూపించింది.

ఈ చిత్రంలో రోషన్ కనకాల యాక్షన్, ఎమోషన్స్ అద్భుతంగా పెర్ఫామ్ చేశాడు. తన నటనకు మంచి ప్రశంసలు లభించాయి. హీరోగా రోషన్ కి ఇది తొలి ఘన విజయం.

విలన్ పాత్రలో చేసిన బండి సరోజ్ కుమార్ పెర్ఫార్మెన్స్ కి మంచి రెస్పాన్స్ వచ్చింది.

డైరెక్టర్ సందీప్ రాజ్ అనుకున్న బడ్జెట్లో సినిమా తీశాడు. 8 కోట్లలో సినిమాని టాప్ క్యాలిటీతో పూర్తి చేశారు. థియేట్రికల్, నాన్-థియేట్రికల్ కలుపుకొని రూ.10 కోట్లు వచ్చింది.

TG విశ్వ ప్రసాద్, కృతి ప్రసాద్ నిర్మించిన మోగ్లీ, చిన్న, మీడియం బడ్జెట్ సినిమాలు ప్రేక్షకులను థియేటర్లకు రప్పించడంలో ఇబ్బందులు ఎదుర్కొంటున్న ఈ సమయంలో ఇండస్ట్రీకి మంచి ఉత్సాహాన్ని ఇచ్చింది.