అల్ల‌రి నరేష్, గిరి పి., ఏకే ఎంటర్టైన్మెంట్స్ చిత్రం 'బంగారు బుల్లోడు' జ‌న‌వ‌రి 23 విడుద‌ల
అల్ల‌రి నరేష్ హీరోగా గిరి పి. ద‌ర్శ‌క‌త్వంలో రూపొందుతోన్న హిలేరియ‌స్ ఎంట‌ర్‌టైన‌ర్ 'బంగారు బుల్లోడు'. ఏకే ఎంటర్టైన్మెంట్స్ బ్యాన‌ర్‌పై సుంక‌ర రామ‌బ్ర‌హ్మం నిర్మిస్తున్నారు. అల్ల‌రి నరేష్ స‌ర‌స‌న నాయిక‌గా పూజా ఝ‌వేరి న‌టించిన ఈ చిత్రానికి సంబంధించి అన్ని ప్రొడక్షన్, పోస్ట్ ప్రొడక్షన్ ప‌నులు పూర్త‌య్యాయి.
ప్రేక్ష‌కుల‌కు సంక్రాంతి శుభాకాంక్ష‌లు తెలియ‌జేస్తూ, జ‌న‌వ‌రి 23న 'బంగారు బుల్లోడు'ను విడుద‌ల చేస్తున్న‌ట్లు లేటెస్ట్ పోస్ట‌ర్ ద్వారా చిత్ర బృందం ప్ర‌క‌టించింది. హీరోయిన్ పూజా ఝ‌వేరి స్కూట‌ర్‌పై వెళ్తుంటే, వెనుక హీరో నరేష్ త‌న బృందంతో హుషారుగా పాట పాడుతూ ఆమె వెంట ప‌డుతున్న‌ట్లు ఆ పోస్ట‌ర్‌లో క‌నిపిస్తోంది. సాయి కార్తీక్ సంగీతం స‌మ‌కూర్చిన పాట‌ల‌న్నింటినీ రామ‌జోగ‌య్య శాస్త్రి ర‌చించారు.
అల్ల‌రి నరేష్ కెరీర్‌లో ఓ చ‌క్క‌ని హాస్య‌భ‌రిత చిత్రంగా 'బంగారు బుల్లోడు' పేరు తెచ్చుకుంటుంద‌ని నిర్మాత‌లు తెలిపారు. టాలీవుడ్‌లోని ప‌లువురు పేరుపొందిన హాస్య‌న‌టులు ఈ చిత్రంలో న‌టించార‌నీ, వారిపై చిత్రీక‌రించిన ప‌లు స‌న్నివేశాలు ప్రేక్ష‌కులను క‌డుపుబ్బ న‌వ్వుకునేలా చేస్తాయ‌నీ వారు చెప్పారు.
సతీష్ ముత్యాల సినిమాటోగ్రాఫ‌ర్‌గా, ఎం.ఆర్‌. వ‌ర్మ ఎడిట‌ర్‌గా ప‌నిచేస్తోన్న ఈ చిత్రానికి కృష్ణ‌కిశోర్ గ‌రిక‌పాటి ఎగ్జిక్యూటివ్ ప్రొడ్యూస‌ర్‌గా, అజ‌య్ సుంక‌ర స‌హ నిర్మాత‌గా వ్య‌వ‌హ‌రిస్తున్నారు.
తారాగ‌ణం:
అల్ల‌రి నరేష్, పూజా ఝ‌వేరి, త‌నికెళ్ల భ‌ర‌ణి, పోసాని కృష్ణ‌ముర‌ళి, పృథ్వీ, ప్ర‌వీణ్‌, వెన్నెల కిశోర్‌, స‌త్యం రాజేష్‌, ప్ర‌భాస్ శ్రీ‌ను, జ‌బ‌ర్ద‌స్త్ మ‌హేష్‌, అనంత్‌, భ‌ద్రం, అజ‌య్ ఘోష్‌, సారిక రామ‌చంద్ర‌రావు, రామ‌ప‌త్ర నిత్ర వెలిగొండ శ్రీ‌నివాస్‌.
సాంకేతిక బృందం:
క‌థ, స్క్రీన్‌ప్లే, ద‌ర్శ‌క‌త్వం: గిరి పి.
నిర్మాత: సుంక‌ర రామ‌బ్ర‌హ్మం
బ్యాన‌ర్‌: ఏకే ఎంటర్టైన్మెంట్స్
ఎగ్జిక్యూటివ్ ప్రొడ్యూస‌ర్‌: కృష్ణ‌కిశోర్ గ‌రిక‌పాటి
స‌హ నిర్మాత: అజ‌య్ సుంక‌ర
మ్యూజిక్‌: సాయి కార్తీక్
సినిమాటోగ్ర‌ఫీ: సతీష్ ముత్యాల
సాహిత్యం: రామ‌జోగ‌య్య శాస్త్రి
ఎడిటింగ్‌: ఎం.ఆర్‌. వ‌ర్మ
ఆర్ట్‌: ఎన్‌. గాంధీ
ఫైట్స్‌: రియ‌ల్ సతీష్
కో-డైరెక్ట‌ర్‌: ప్ర‌సాద్ దాసం
పీఆర్వో: వ‌ంశీ-శేఖ‌ర్‌.
About SocialNewsXYZ
An Indo-American News website. It covers Gossips, Politics, Movies, Technolgy, and Sports News and Photo Galleries and Live Coverage of Events via Youtube. The website is established in 2015 and is owned by AGK FIRE INC.
