నితిన్ హీరో గా శ్రీనివాస కల్యాణం
యువ కథానాయకుడు నితిన్ హీరోగా హిట్ చిత్రాల నిర్మాణసంస్థ శ్రీ వెంకటేశ్వర క్రియేషన్స్ ఓ కొత్త సినిమా నిర్మించబోతోంది. ఈ చిత్రానికి "శ్రీనివాస కల్యాణం" అనే పేరు నిర్ణయించారు. 14 ఏళ్ల క్రితం దిల్ రాజు, నితిన్ కాంబినేషన్లో వచ్చిన 'దిల్' సినిమా ఎంత సెన్సేషనల్ హిట్ అయ్యిందో తెలిసిందే. అటువంటి సక్సెస్ ఫుల్ కాంబినేషన్లో ఈ సినిమా తెరకెక్కనుంది. ఈ ఏడాది సంక్రాంతికి విడుదలైన శతమానంభవతి సినిమా బాక్స్ ఆఫీస్ వద్ద కలెక్షన్స్ దుమ్ము రేపిన సంగతి తెలిసిందే. ఈ చిత్రానికి జాతీయస్థాయిలో 'ఉత్తమ ప్రజాదరణ పొందిన చిత్రం'గా స్వర్ణకమలం అవార్డ్ అందుకుంది. ఈ సినిమాను తెరకెక్కించిన దర్శకుడు వేగేశ్న సతీష్ ఈ సినిమాకు దర్శకత్వం వహిస్తుండటం విశేషం.
2018 మార్చిలో షూటింగ్ ప్రారంభించుకోబోతున్న ఈ సినిమాను అన్ని కార్యక్రమాలు పూర్తి చేసి శ్రావణ మాసంలో విడుదల చేయడానికి సన్నాహాలు చేస్తున్నారు. ఈ చిత్రానికి మిక్కీ జె మేయర్ సంగీతం అందిస్తుండగా, సమీర్ రెడ్డి సినిమాటోగ్రఫీ అందిస్తున్నారు. మిగిలిన నటీనటులు, టెక్నీషియన్స్ వివరాలను త్వరలోనే తెలియచేస్తామని యూనిట్ తెలియచేసింది.
About VDC
Doraiah Chowdary Vundavally is a Software engineer at VTech . He is the news editor of SocialNews.XYZ and Freelance writer-contributes Telugu and English Columns on Films, Politics, and Gossips. He is the primary contributor for South Cinema Section of SocialNews.XYZ. His mission is to help to develop SocialNews.XYZ into a News website that has no bias or judgement towards any.