"యువర్స్ లవింగ్లీ" మోషన్ పోస్టర్ కు వన్ మిలియన్ వ్యూస్ !!
'జో' ని దర్శకుడిగా పరిచయం చేస్తూ.. పొట్లూరి స్టూడియోస్ పతాకంపై పృద్వీ పొట్లూరి హీరోగా నటిస్తూ నిర్మిస్తున్న "యువర్స్ లవింగ్లీ" మోషన్ పోస్టర్ "వన్ మిలియన్ వ్యూస్" రాబట్టింది. దీని పట్ల చిత్ర బృందం సంతోషం వ్యక్తం చేస్తోంది. పృద్వీ పొట్లూరి సరసన సౌమ్య శెట్టి నటిస్తున్న ఈ చిత్రం సెన్సార్ కార్యక్రమాలు సైతం పూర్తి చేసుకొంది.
అందరూ కొత్తవాళ్లతో రూపొందిన "యువర్స్ లవింగ్ల్లీ" చిత్రానికి వన్ మిలియన్ (పది లక్షల) వ్యూస్ రావడం సంతోషంగా ఉండడంతో పాటు.. ప్రాజెక్ట్ పట్ల తమ ఆత్మ విశ్వాసాన్ని ఇనుమడింపజేస్తోందని నిర్మాత మరియు కథానాయకుడు పృద్వీ పొట్లూరి అన్నారు. ఈ క్రెడిట్ మొత్తం తమ దర్శకుడు జో కి చెందుతుందని ఆయన తెలిపారు.
ఈ చిత్రాన్ని నిర్మిస్తూ.. ఈ చిత్రం ద్వారా హీరోగా పరిచయమవుతున్న పృద్వీ పొట్లూరికి ఉజ్వల భవిష్యత్తు ఉందని జో అన్నారు. విడుదలయ్యాక "యువర్స్ లవింగ్లీ" చిత్రం గురించి ప్రతి ఒక్కరూ మాట్లాడుకుంటారని.. పేరెంట్స్ అందరూ తమ పిల్లల్ని వెంటబెట్టుకొని ఈ సినిమాకు వెళ్తారని, అతి త్వరలోనే ఈ చిత్రాన్ని విడుదల చేసేందుకు సన్నాహాలు చేస్తున్నామని జో అన్నారు.
ఈ చిత్రం పాటలు అతి త్వరలో మధుర ఆడియో ద్వారా విడుదల కానున్నాయి.
బులుబుల్, అనిల్, గోవింద్, సాయి పవన్, వెంకటేష్, సాయి తేజ, ప్రియ, మేఘన, బృంద, ఎఫ్,ఎం.బాబాయ్, తులసి, దేశీరాజు, సుజాత, సంధ్య, సత్య ప్రసాద్ తదితరులు ఇతర ముఖ్య పాత్రలు పోషిస్తున్న ఈ చిత్రానికి పాటలు: పోతుల రవికిరణ్, కూర్పు: వి.ఎస్.నాగిరెడ్డి, సంగీతం: కార్తీక్ కొడకండ్ల, ఛాయాగ్రహణం: ప్రవీణ్ కండ్రేగుల, నిర్మాత: పృద్వీ పొట్లూరి, కథ-మాటలు-స్క్రీన్ ప్లే-దర్శకత్వం: జో !!
About VDC
Doraiah Chowdary Vundavally is a Software engineer at VTech . He is the news editor of SocialNews.XYZ and Freelance writer-contributes Telugu and English Columns on Films, Politics, and Gossips. He is the primary contributor for South Cinema Section of SocialNews.XYZ. His mission is to help to develop SocialNews.XYZ into a News website that has no bias or judgement towards any.