Social News XYZ     

A book on Super Star Krishna’s ‘Devudu Lanti Manishi’ by Vinayaka Rao launched

ప్ర‌ముఖుల స‌మక్షంలో వినాయ‌క‌రావు ర‌చించిన సూప‌ర్‌స్టార్ కృష్ణ `దేవుడులాంటి మ‌నిషి` పుస్త‌కావిష్క‌ర‌ణ‌

A book on Super Star Krishna's 'Devudu Lanti Manishi' by Vinayaka Rao launched

సూప‌ర్‌స్టార్ కృష్ణ 50 న‌ట వ‌సంతాల‌ను పూర్తి చేసుకున్న సంద‌ర్భంగా సీనియ‌ర్ పాత్రికేయులు వినాయ‌క‌రావు కృష్ణ న‌ట జీవితంపై, కృష్ణ న‌టించిన 365 చిత్రాలు గురించి దేవుడులాంటి మ‌నిషి అనే పుస్త‌కాన్ని ర‌చించారు. ఈ పుస్త‌కావిష్క‌ర‌ణ కార్య‌క్ర‌మం శ‌నివారం హైద‌రాబాద్ పార్క్ హ‌య‌త్‌లో జ‌రిగింది. ఈ పుస్త‌కావిష్క‌ర‌ణ కార్య‌క్ర‌మం టి.సుబ్బ‌రామిరెడ్డి అధ్య‌క్ష‌త‌న ల‌లిత‌క‌ళా ప‌రిష‌త్‌వారు నిర్వ‌హించారు. ఈ కార్య‌క్ర‌మంలో సూప‌ర్‌స్టార్ కృష్ణ‌, శ్రీమ‌తి విజ‌య‌నిర్మ‌ల‌, టి.సుబ్బ‌రామిరెడ్డి, కె.రాఘ‌వేంద్ర‌రావు, బోయిన సుబ్బారావు, పి.చంద్ర‌శేఖ‌ర్‌, కె.య‌స్‌.రామారావు, ఎస్‌.వి.కృష్ణారెడ్డి, కె.అచ్చిరెడ్డి, బోసుబాబు, బి.గోపాల్‌, సి.క‌ల్యాణ్‌, ఎన్‌.రామ‌లింగేశ్వ‌ర‌రావు, కోటి, అనీల్ సుంక‌ర‌, మాధ‌వ‌రావు, ఆంధ్ర‌జ్యోతి ఎడిట‌ర్ శ్రీనివాస‌రావు, ఆర్‌.కె.గౌడ్‌, శాఖ‌మూరి మ‌ల్లిఖార్జున‌రావు, జి.వి.ప్ర‌సాద్‌, దాస‌రి కిర‌ణ్‌కుమార్‌, మ‌హేంద‌ర్ రెడ్డి, ర‌చ‌యిత వినాయ‌క‌రావు, సూప‌ర్‌హిట్ ప‌త్రికాధినేత బి.ఎ.రాజు, ముప్ప‌ల‌నేని శివ‌, జ‌ర్న‌లిస్ట్ ప్ర‌భు, ర‌స‌మ‌యి రాము, ఆశాల‌త‌ త‌దిత‌రులు పాల్గొన్నారు. కార్య‌క్ర‌మంలో మ‌హేంద‌ర్‌రెడ్డి రెండు ల‌క్ష‌ల యాభై వేల రూపాయ‌ల‌ను చెల్లించి దేవుడులాంటి మ‌నిషి మొద‌టి పుస్తకాన్ని కోనుగోలు చేశారు. ద‌ర్శ‌కేంద్రుడు కె.రాఘ‌వేంద్ర‌రావు పుస్తకావిష్క‌ర‌ణ చేసి తొలి ప్ర‌తిని కృష్ణ‌, విజ‌య‌నిర్మ‌ల దంప‌తుల‌కు అందించారు. ఈ సంద‌ర్భంగా....

 

సూప‌ర్‌స్టార్ కృష్ణ మాట్లాడుతూ - వినాయ‌క‌రావు నాపై పుస్త‌కం రాస్తానంటే ఎన్ని రోజుల్లో పూర్తి చేస్తావ‌ని అడిగాను. అప్పుడు త‌ను ఒక సంవ‌త్స‌రంలో పూర్తి చేస్తాన‌ని అన్నారు. కానీ ఒక సంవ‌త్స‌రం త‌ర్వాత న‌న్ను క‌లుసుకుని స‌మాచార సేక‌ర‌ణ ఇంకా స‌మ‌యం ప‌డుతుంద‌ని చెప్పి, అల్లూరి సీతారామ‌రాజు సినిమా మేకింగ్‌పై ఆయ‌న రాసిన బుక్‌లెట్‌ను విడుద‌ల చేశారు. మూడు సంత్స‌రాలు పాటు వినాయ‌రావు బాగా క‌ష్ట‌ప‌డి, చాలా మందిని క‌లిసి, ఫోటోలు సేక‌రించి ఈ పుస్త‌కాన్ని రాసినందుకు వినాయ‌క‌రావుగారిని అభినందిస్తున్నాను. నేను న‌టుడిగా 50 న‌ట వ‌సంతాల‌ను పూర్తి చేసుకున్నానంటే అందుకు కార‌ణం నా ద‌ర్శ‌కులు, నిర్మాత‌లు, నా తోటి న‌టీన‌టులు, టెక్నిషియ‌న్సే కార‌ణం. రాఘ‌వేంద్రరావుగారు డైరెక్ట్ చేసిన వ‌జ్రాయుధం, అగ్నిప‌ర్వ‌తం వంటి సినిమాల‌తో నాకు మాస్ ఇమేజ్‌ను తెచ్చిపెట్టారు. అలాగే కోదండ‌రామిరెడ్డిగారితో చేసిన సినిమాల‌న్నీ వంద‌రోజులు ఆడాయి. బి.గోపాల్ స‌హా అంద‌రూ నాతో మంచి సినిమాలు చేశారు. ఈ సంద‌ర్భంలో న‌న్ను హీరోగా తెలుగు సినిమాకు ప‌రిచ‌యం చేసిన ఆదుర్తి సుబ్బావుగారికి, గూఢ‌చారి 116తో నాకు మాస్ ఇమేజ్ తెచ్చి పెట్టిన డుండిగారికి ఈ సంద‌ర్భంగా ధ‌న్య‌వాదాలు తెలుపుకుంటున్నాను అన్నారు.

విజ‌య నిర్మ‌ల మాట్లాడుతూ - బావుగారు సాక్షి సినిమా చేసి కృష్ణ‌గారిని నాకు అప్ప‌గించారు. బాపుగారి ఇన్‌స్పిరేష‌న్‌తోనే నేను డైరెక్ట‌ర్‌గా మారాను. ఈ పుస్త‌కం కోసం వినాయ‌క‌రావుగారు మూడేళ్ల పాటు ఎంతో క‌ష్ట‌ప‌డి ఈ పుస్త‌కాన్ని మ‌న ముందుకు తెచ్చారు. అందుకు వినాయ‌క‌రావుగారికి అభినంద‌న‌లు అన్నారు.
టి.సుబ్బ‌రామిరెడ్డి మాట్లాడుతూ - సినిమా ప‌రిశ్ర‌మ‌లో ఎంతో మంది ఉన్నా కొంత మంది పేరు మాత్రమే మ‌న‌కు విన‌డుతుంది. అటువంటి కొంత మందిలో సూప‌ర్‌స్టార్ కృష్ణ ఒక‌రు. మాన‌వత్వం మూర్తీ భ‌వించిన వ్య‌క్తి కృష్ణ‌గారు న‌టించిన 365 సినిమాల‌పై వినాయ‌క‌రావు మూడేళ్ల పాటు క‌ష్ట‌ప‌డి ర‌చించారు. వినాయ‌క‌రావుకు అభినంద‌న‌లు అన్నారు.

కె.రాఘ‌వేంద్ర‌రావు మాట్లాడుతూ - పురాణాల్లో ఉత్త‌మ విలువ‌లున్న శ్రీరాముడిలా తెలుగు సినిమాలో ఉత్త‌మ విలువ‌లున్న వ్య‌క్తి సూప‌ర్‌స్టార్ కృష్ణ‌గారు. ఆయ‌న త‌న విలువ‌ల‌తో సూప‌ర్ స్టార్‌గా ఎదిగారు. రాముడెంత గొప్ప‌వాడు కృష్ణ‌గారు కూడా అంతే గొప్ప‌. ఎంతో మంది ద‌ర్శ‌కులు, నిర్మాత‌లు, ఆర్టిస్టులు, టెక్నిషియ‌న్స్‌ను ప‌రిచ‌యం చేశారు అన్నారు.

వినాయ‌క‌రావు మాట్లాడుతూ - తెలుగు సినిమాను సుసంప‌న్నం చేసిన గొప్ప వ్య‌క్తుల గురించి ప్ర‌జ‌ల‌కు తెలియ‌జేయాల్సిన బాధ్య‌త ఓ జ‌ర్న‌లిస్ట్‌గా నాపై ఉంద‌ని భావించి పుస్త‌కాలు రాస్తున్నాను. ఇప్ప‌టి వ‌ర‌కు నేను 9 పుస్త‌కాలు ర‌చించాను. సూప‌ర్‌స్టార్ కృష్ణ‌గారిపై ఈ పుస్త‌కం రెడీ కావ‌డానికి మూడేళ్ల స‌మ‌యం ప‌ట్టింది. ఈ జ‌ర్నీలో నాకు స‌హ‌క‌రించిన అంద‌రికీ పేరు పేరునా ధ‌న్య‌వాదాలు అన్నారు.

కార్య‌క్ర‌మంలో పాల్గొన్న అతిథులు కృష్ణ‌గారితో త‌మకున్న అనుబందం గురించి తెలియ‌జేసి ర‌చ‌యిత వినాయ‌క‌రావుని అభినందించారు.

Facebook Comments

%d bloggers like this: