మెట్రో` 50 శాతం పూర్తి, న‌వంబ‌ర్‌లో రిలీజ్
ప్రేమిస్తే, జ‌ర్నీ, షాపింగ్‌మాల్‌, పిజ్జా వంటి బ్లాక్‌బ‌స్ట‌ర్ చిత్రాల్ని అందించిన ఎస్‌.కె.పిక్చ‌ర్స్ అధినేత సురేష్ కొండేటి స‌మ‌ర్ప‌కుడిగా, ఆర్‌4 ఎంట‌ర్‌టైన్‌మెంట్ అధినేత ర‌జ‌ని తాళ్లూరి అందిస్తున్న చిత్రం - మెట్రో. ఆనంద్ కృష్ణన్ ద‌ర్శ‌క‌త్వం వ‌హించారు. జోహన్ సంగీతం అందించారు. సాహితి పాట‌లు, మాట‌లు అందిస్తున్నారు. ఈ సినిమా పాట‌ల రికార్డింగ్ ఇటీవ‌లే పూర్త‌యింది. అలాగే డ‌బ్బింగ్ కార్య‌క్ర‌మాలు 50 శాతం పూర్త‌య్యాయి. న‌వంబ‌ర్‌లో సినిమాని రిలీజ్ చేసేందుకు నిర్మాత‌లు ప్లాన్ చేస్తున్నారు.
ఈ సంద‌ర్భంగా చిత్ర నిర్మాత, ఆర్‌4 ఎంట‌ర్‌టైన్‌మెంట్స్ అధినేత ర‌జ‌ని తాళ్లూరి మాట్లాడుతూ -చైన్ స్నాచింగ్ నేప‌థ్యంలో ఇంట్రెస్టింగ్ క‌థాంశంతో తెర‌కెక్కించిన సినిమా ఇది. యాక్ష‌న్‌ డ్రామా, థ్రిల్ల‌ర్ నేప‌థ్యంలో ఆద్యంతం ఉత్కంఠ రేకెత్తించే క‌థాంశంతో తెర‌కెక్కింది. నిత్యం మ‌నం వార్త‌ల్లో వినే చైన్ స్నాచింగ్ నేప‌థ్యంలో గ్రిప్పింగ్ స్క్రీన్‌ప్లేతో ద‌ర్శ‌కుడు ఓ విజువ‌ల్ ట్రీట్‌గా తెర‌కెక్కించారు. చ‌క్క‌ని సంగీతం ఉన్న ఎంట‌ర్‌టైన‌ర్‌. పాట‌ల రికార్డింగ్ పూర్త‌యింది. అలాగే అనువాద కార్య‌క్ర‌మాలు స‌గం పూర్తి చేశాం. న‌వంబ‌ర్‌లో సినిమా రిలీజ్ చేయ‌నున్నాం అన్నారు.
ఎస్‌.కె.పిక్చ‌ర్స్ అధినేత, చిత్ర స‌మ‌ర్ప‌కులు సురేష్ కొండేటి మాట్లాడుతూ -రియాలిటీ ఉన్న క‌థ‌లతో తెర‌కెక్కిన సినిమాల‌కు తెలుగు ప్రేక్ష‌కులు బ్ర‌హ్మ‌ర‌థం ప‌డుతున్నారు. ఆ కోవ‌లోనే ప్రేమిస్తే, జ‌ర్నీ, షాపింగ్‌మాల్‌, పిజ్జా వంటి చిత్రాల్ని మా బ్యాన‌ర్‌లో అందించాం. అవ‌న్నీ స‌హ‌జ‌సిద్ధ‌మైన న‌ట‌న, చ‌క్క‌ని క‌థాంశంతో తెర‌కెక్కిన‌వే కావ‌డం వ‌ల్ల బ్లాక్‌బ‌స్ట‌ర్ హిట్స్ సాధించాయి. ఆ కోవ‌లోనే `మెట్రో` హృద‌యాల్ని ట‌చ్ చేసే రియ‌లిస్టిక్ స్టోరీతో తెర‌కెక్కింది. మ‌నం నిత్యం వార్తా చానెళ్ల‌లో చైన్ స్నాచర్ల గురించి వింటూనే ఉన్నాం. సామాన్యుడి బ‌తుకులో ఈ చైన్ స్నాచింగ్ ఎలాంటి చిచ్చు పెడుతుందో మెట్రో సినిమాలో చూడొచ్చు. తన కన్నతల్లి చావుకు కారణమైన చైన్ స్నాచర్‌ని పట్టుకోవడానికి ప్రయత్నించిన జర్నలిస్ట్... ఆ క్రమంలో తను తెలుసుకున్న నిజాలేంటి..? అస‌లు చైన్ స్నాచర్ల లక్ష్యమేంటి..? అన్న‌ది తెర‌పైనే చూడాలి. బ్యాలెన్స్ ప‌నులు పూర్తి చేసి న‌వంబ‌ర్ లో సినిమా రిలీజ్ చేస్తాం అని తెలిపారు.
శిరీష్‌, బాబి సింహా, సేంద్ర‌న్‌, నిశాంత్ త‌దిత‌రులు న‌టించిన ఈ చిత్రానికి సంగీతం: జోహన్, మాట‌లు- పాట‌లు: సాహితి, కెమెరా: ఎన్‌.ఎస్‌. ఉద‌య కుమార్‌, నిర్మాత: ర‌జ‌ని తాళ్లూరి, స‌మ‌ర్ప‌కులు: సురేష్ కొండేటి, ద‌ర్శ‌క‌త్వం: ఆనంద కృష్ణన్.
